想在你專欄消失之前bookmark

原來你在明報寫專欄不經不覺已經19年.... 係一段十分漫長的時間. 唔記得自己係咪
由第一日就開始睇, 不過, 應該都已經睇o左你有十多年了.... 雖然唔係篇篇文都睇得
明, 但每日拎起明報副刊, 我都總會花少少時間去消化你的文字, 睇唔明, 再睇多次.
細個果陣遇到好的文章仲會剪低, 而家尚在我的剪報file裡面, 就有 "你可有錯過這精
彩的100年?" 你, 我跟其他讀者們沒有錯過這精彩的19年就是了! 天下沒不散的筵席,
好看的專欄作家一個個於明報消失, 唔代表佢o地唔會另起戰場呀! 有了呢個blog, 雖
然我未必再有日日追看你文章的動力, 但可能隔幾日又會一次過睇幾篇, 仲可以睇埋其
他人的回應, 大家交流更好.
>
>以前從來都冇諗過可以同你聯絡呢.... 直至早前看到你在專欄裡寫話自己被炒魷, 雖
然有點失望, 但仍未想到要send email給你. (想到跟一個自己欣賞的專欄作家接觸就
是不敢, 怕打擾你又怕破壞了你在我心目中的印象) 今晚係因為想在你專欄消失之前
bookmark o左你的website, 然後一次過看了其他好多好多人的回應, 所有長期隱形擁
躉都被引出來了.... 所以都未嘗唔係一件好事呢~ 我都係因為睇o左其他人的留言
.... 覺得好感動, 所以先有感而發. 過去你寫過的文章太多, 於我的成長過程中, 發
揮的影響肯定是正面的. 日後繼續問到底, 不用太介懷是哪個傳播媒介!!
>
>may

Hi, 阿may 睇咗你的廣東話，才發覺，如果我都用廣東話寫作，樂趣亦是無窮呢。
不過，我有時寧願寫文言文，廣東話雖然係阿媽教既，但因為冇用太耐，好鬼生疏，
幾乎唔識寫。之不過，而家的後生仔女鍾意廣東話，都冇法架？

想唔到，呢個專欄雖然快要結束，反而引出一群朋友，亦是始料不及。不過，我相
信，時代己經變化。李察想講既道理，幾乎己經講晒，冇乜新料到。好鬼唔好意思噃。

不過，有一愉快事，網上朋友，傾計可以直接好多。

see you!!!

李察